|
這天乘地鐵途中，看到笑容滿面的兩父子(父親約三十多歲，兒子約8歲)。他倆穿著運動服裝，拿著羽毛球拍，似是一起打球後準備回家。
他們的對話很是有趣 ﹕
子﹕爸爸你幾時出糧？
父﹕有排，月尾。
子(神神秘秘的問)﹕咁你每個月有幾多錢？
父﹕二萬五。
子(驚訝的瞪大眼睛)﹕二萬五？咁多？爸爸你好叻呀﹗﹗﹗
父摸摸兒子的頭。
子﹕爸爸如果我有咁多錢，我會擺二萬蚊響銀行，只係用五千蚊。
父笑得合不攏咀。我知道，他心裡一面覺得兒子可愛得要命，一面想﹕小孩子不知道一頭家的開支有多大。
子﹕爸爸如果我大個左，搵到一億萬，我每個月會比一萬蚊你。
父(極慈愛的望著兒子不停笑)﹕嘩，一萬蚊咁多？
子(一本正經的說)﹕係呀，咁你幫我攪麥當勞生日會、帶我搭地鐵、買八達通、買衫比我著……全部都係錢嘛。爸爸我地一陣都係返屋企食啦，雖然媽咪煮d餃子好難食，不過可以慳d錢。
父﹕正一傻仔……
我無法想像究竟為人父親的，有一個這樣乖巧可愛的兒子會有多快樂多滿足。我只知道，他們為我在這短短的車程中帶來了無限溫暖。
|