今天一上巴士便聽到兩個婆婆非常非常洪亮的聲音。
即使我坐在上層，仍能非常清楚地聽到她們的一字一句，可想而知她們的聲音有多大。
我嘗試進入夢鄉 (我每天乘巴士上班時都會跟周公見面)，但卻被她們的聲音弄得怎樣也睡不著。
既然睡不著，我便唯有無奈地任由她們的對話進入耳中。老實說，我感到有點煩厭。
可是，聽著聽著，我卻聽到這樣一個故事……
婆婆甲﹕哎呀……死啦，掛住同你傾，過左站添﹗
婆婆乙﹕你去邊架？
婆婆甲﹕我要去九龍醫院覆診呀﹗死啦，過左站我唔知識唔識行返去﹗
婆婆乙﹕唔緊要啦，都唔係太遠，問下人囉﹗
婆婆甲﹕唔係呀，我今日出門口唔記得帶柺杖。人老左，冇用啦﹗冇曬記性﹗
婆婆乙﹕咁你記住慢慢行﹗
婆婆甲﹕我一年都唔出一次街，一出街就咁論盡……
婆婆乙﹕o下？你伯爺公唔同你出街咩？
婆婆甲﹕我伯爺公唔響度好耐啦。d仔女又唔同我住……我正一 o個 d 乜野獨居老人﹗我好老架啦，成78歲，費事要d後生同我住啦。我自己一個多數留響屋企就算。
婆婆乙﹕……(婆婆乙不知說甚麼好)……你好本事呀，個樣都唔似78歲……咁你去九龍醫院睇咩病呀？
婆婆甲﹕係d心理病……憂鬱呀……成日一個人緊係唔開心啦……
婆婆乙﹕……你到啦，小心慢慢行呀﹗
婆婆甲﹕好呀好呀，唔該曬你……
婆婆甲常常一個人待在家中，難得有人跟她談天說地，當然開心，所以不自覺說得起勁。
婆婆乙心地非常善良，她很同情婆婆甲，卻不知該說甚麼。
雖然兩位婆婆只是萍水相逢，日後也不知道會不會再碰面，但能在短短的車程中談個痛快，暫時把所有不快丟在一旁，絕對是一件美事。
最差的……不就是我吧﹗